La patria españolista
"Andaluces,
sabéilo: L'Estáu español desprecia’l nuesu
país. Anguaño muertu y atontáu
pol tormentu de la llarga traxedia, recibe los puntapiés del señor con
inconsciencia, mansedume ya indignidá esclaves. ¡Probe Andalucía !. ¡Perdió la
dignidá y el valor que la llibertá confier!.
Tien la repunante llealtá d'un bufón
servil, ¡Andalucía afalaga baxamente al
Estáu español, a la patria españolista!.
Andaluces cobardes,
sabéilo: Si l'Estáu español ye España, foi España la que vieno
arrampuñavos vuesa tierra nacional sumiéndovos
na más espantible miseria: Foi ella quien
vieno a destruyir aquelles arteries complicaes per onde escurría l'agua
que fecundaba'l vuesu suelu: foi ella la
qu'afaró les güertes que remembraben a
los nuesos pás: la que capó'l nuesu espíritu,
la qu’esfarrapó’l nuesu xeniu, la que destruyó la nuesa civilización, la que fundió
la nuesa hestoria. Foi ella la qu’espulsó
del nuesu solar a millones d'hermanos, dándo-yos a escoyer en dilemes terribles, ente'l destín
o'l sometimientu a la so baxa moral: ente la muerte por inanición o la muerte pola
espada. Andaluces: Si l'Estáu Centralista Español foi y ye, como dicen los sos sostenedores, la
España viva, refugái esa España.
Renegái d'ella. Ella apagó esi focu del
Andalus cuyá¡a memoria ye en nós, como l'alcordanza señardoso y lluminoso d'una
novia bien amada muerta: que la so resurrección ye esperanza de fueu que
caltién encesa la nuesa eterna mocedá na pelegrinación de los nuesos cuerpos yá
avieyaos, qu'adicando l’apaición avancen firmes na so pelegrinación pela
tierra: Renegái d'esa España. Ella nun va resolver los problemes urxentes de la
vuesa vida. Caltién esclava la vuesa tierra. Vos niega’l pan.
En cuantes al
espíritu, España nun lu tien. ¿Cómo podrá dá-vos espíritu de vida la que, por
nun tenelu, matolu en vós?. ¡España,
España!... Diz el foriatu. España ye una negación de muerte. P'auscultar
n'España'l llatir d'un orixinal espíritu, tienen que venir a la gueta nel espíritu
agonizante y frayáu que la dominación d'esa España dexara a Andalucía. ¡Qué
murnia! ¡Y entá hai andaluces españolistes!.
Andaluces qu'ante les ganes llibertadores del pueblu catalán, glayen con
inconsciencia imbécil! ¡La unidá de la patria!. Diriximosnos a vós, andaluces
de verdá; andaluces de verdá porque ye esti títulu espresivu d'aforfugadores sufrimientos:
Andaluces de verdá porque constituís les clases más numberoses de la sociedá
andaluza: Andaluces de verdái porque nes clases plutócrates ya industriales
andaluces, el sangre d'Andalucía nun ye pura como nes venes nueses.
Dirixímosnos a vós,
andaluces de verdá; noventa y cinco por 100 de la población d'Andalucía: xornaleros,
colonos, pequenos terratenientes, artesanos, clase media. ¿Por qué llamáis
patria a esa España?. ¿Qué paternales desvelos tenéis a España qu'estimar?"
No hay comentarios:
Publicar un comentario